Biantara Ngeunaan Ngalestarikeun Kasenian Jawa Barat

 Biantara Ngeunaan Ngalestarikeun Kasenian Jawa Barat

Assalamu’alaikum Wr.Wb

Sateuacanna hayu urang panjatkeun puji sareng syukur ka gusti Allah SWT. Anu atos maparinkeun rahmatna ka urang sadaya dugi ka tiasa kumpul di ieu tempat. Henteu hilap,shalawat sarta salam hayu urang curahkeun  ka jungjunan urang sadaya Nabi Muhammad SAW, kulawargana, sahabatna,sareng umatna nepi ka akhir zaman 

Hadirin anu di pikahormat,Dina dangeut ieu, simkuring bade ngabahas ngenaan pentingna urang sadaya ngalestarikeun kasenian tradisional,terutamana kasenian tarianna. Kasenian nyaeta salah sahiji tina kabudayaan urang. Kasenian daerah masih keneh eleh saing ku kasenian modern,kusabab kitu, diperlukeun pambelaan anu tiasa ngalestarikeun kapopuleran-nana di di zaman globalisasi anu makin maju.Atos waktosna Indonesia tiasa leuwih dikenal ku dunia luar, kusabab budayana anu beunghar sareng unik. Salah sahiji budaya anu kudu dilestarikeun nyaeta tarian khas daerah. 

 Indonesia ngagaduhan ragam tari khas daerah anu teu acan tangtu sadayana jalmi ngenal hiji-hiji eta tarian. Salain ti budayana, di Indonesia beunghar ku ragam kasenian anu wajib di lestarikeun ku urang sadaya , khususna urang Jawa Barat. Di Jabar oge, aya sakitar 300 jenis kasenian. Aya tilu jenis tarian tradisional asal Jawa Barat nyaeta tari merak, topeng, sareng tari jaipongan anu ngagaduhan popularitas anu kasohor di mancanegara. Jawa Barat ngupayakeun, tiasa nampilkeun seni budaya nu sanesna di luar nagri.Tari jaipongan anu kasohor pisan ngagaduhan ciri khas nyaeta ditarikeunna ku keceriaan, humoris, semangat, spontanitas, sareng kasederhanaan. Jaipongan tiasa masihan konstribusi anu seeur ka para panggiat seni tari supadaos tiasa leuwih aktif ngagali jenis tarian rakyat anu sateuacanna kirang diperhatikeun.

Tari jaipongan, di manfaatkeun ku para panggiat tari jang nyelenggarakeun kursus-kursus tari jaipongan. Tari topeng,disebat tari topeng kusabab panari-panarina nutupkeun rarayna ngagunakeun topeng. Tari topeng ngagaduhan ciri khas nyaeta gerakan panangan anu lembut ku panari anu gareulis, anu diiringan ku alunan musik rebab jeung kendang. Sedeungkeun tari merak nyaeta tarian anu ngalambangkeun gerakan-gerakan ti burung merak sareng gerakan panangan anu gemulai sareng iringan gamelan anu jadi ciri khas tari merak. Ku kituna urang kedah tiasa ngalestarikeun kasenian daerah, khususna daerah Jawa Barat supaya eta budaya teh teu leungit ku kaayaan zaman anu makin maju.

Rupina sakitu nu kapihatur, hapunteun bilih aya kalepatan atanapi kalimah anu teu merenah kanu manah.

Wabilahi Taufik Walhidayah Wassalamualaikum Wr.Wb 

Nama : Siska Islami Nadhio

Kelas : IX-A

SMPN 1 Cianjur